للتاجر اللي يبيع من إنستغرام وفيسبوك

احچي أقل،
وبيع أكثر.

كل رسائل صفحاتك بمكان واحد، وزيدون يرد على زبائنك باللهجة العراقية، يعرف منتجاتك من منشوراتك، ويثبّت الطلب بدالك. انت بس جهّز الطلبية.

🎉 عرض الإطلاق: أول 100 تاجر بـ 25,000 د.ع بالشهر، وسعرك ثابت لسنة كاملة
MetaMeta Tech Providerمزوّد تقني معتمد من Meta
رسائل غير محدودةما نحسب عليك ولا رد
زهراءمتصلة الآن
Instagram
بيش هذا؟ 😍
زيدونهلا بيج 🌷 هذا الفستان الزيتي بـ 35 ألف، متوفر S و M و L. شنو قياسج؟
M، توصلون للبصرة؟
زيدونإي نوصل لكل المحافظات، التوصيل 5 آلاف. دزيلي الاسم والعنوان والرقم وأثبتلج الطلب.
زهراء علي، البصرة الجزائر، 0770…
✓انضاف طلب جديد
فستان زيتي، M35,000
توصيل البصرة5,000
المجموع40,000 د.ع
رد خلال ثواني، حتى الساعة 2 بالليل
الطلب يوصلك جاهز بالتطبيق
رسائل وردود غير محدودة Meta Tech Provider إنستغرام وماسنجر بمكان واحد يرد باللهجة العراقية تطبيق للموبايل دعم عراقي على الواتساب
نعرف شلون يومك يمشي

صفحتك تبيع، بس الرسائل تاكل وقتك

كل تاجر أونلاين بالعراق يعرف هالقصة:

"بيش؟"

نفس السؤال مية مرة باليوم، وكل مرة تكتب نفس الجواب.

رسالة ضاعت

زبون سأل بالليل ومحد رد عليه، فاشترى من غيرك الصبح.

الدفتر

الطلبات مكتوبة بالدفتر وبالسكرين شوت، والغلط بالعنوان أو القياس يكلفك.

"وين هذا؟"

الزبونة تدز سكرين من ريل قديم، وانت تدوّر عليه بين مئات المنشورات.

تاجرلي يشيل عنك هذا كله، وانت ركّز على البضاعة.

زيدون، مساعد المبيعات في تاجرلي
هلا عمي، آني زيدون. أرد على زبائنك وانت مرتاح 👋
تعرّف على زيدون

بيّاع خبرة، يشتغل 24 ساعة وما يتعب

زيدون مو بوت ردود جاهزة. يفهم المحادثة كلها، ويعرف بأي مرحلة الزبون، ويسأله السؤال الصح حتى يوصل للطلب.

يعرف المنتج من الصورة

الزبونة تدز صورة أو سكرين من ريل، فزيدون يعرف أي منتج تقصد من منشوراتك ويجاوبها بسعره وقياساته.

ما يخترع ولا يكذب

إذا ما يعرف معلومة يسألك انت بالتطبيق، وأول ما تجاوب يكمل المحادثة. ما يعطي سعر غلط ولا يوعد بشي مو موجود.

يتعلم منك

كل جواب تعطيه يحفظه للمرة الجاية، وتگدر تعلمه طريقتك بالبيع بكلامك العادي بدون إعدادات معقدة.

خبير مبيعات، مو بس يرد

ما يضيّع ولا فرصة بيع. إذا المنتج اللي تسأل عليه الزبونة خلصان، يعرضلها موديلات مشابهة متوفرة بأسعارها، حتى ما تطلع بدون ما تشتري.

يثبّت الطلب بدالك

ياخذ الاسم والعنوان والقياس، ويطلع وصل مرتب، والطلب يوصلك جاهز بالتطبيق مع إشعار.

تجربة حيّة، مو فيديو

احچي ويا زيدون هسه

هذا زيدون الحقيقي شغّال على منتجات وإعدادات متجر حقيقي. تصرّف كأنك زبونة واسأله عن الموديلات والأسعار والقياسات والتوصيل.

  • 1اكتب سؤالك، أو اختار سؤال جاهز.
  • 2زيدون يدوّر بمنتجات المتجر، ويشوف السعر والمخزون الحالي.
  • 3يرد مثل ما يرد على زبائن المحل بالضبط، وإذا الموديل خلصان يعرض بديل.

تجربة محاكاة: ما توصل رسالة لأي حساب، وما ينحفظ طلب حقيقي.

زيدونمتصل الآن
LIVE
ابدي المحادثة: اكتب سؤالك أو اختار سؤال
عندك 6 رسائل بالتجربة
من محلات حقيقية تشتغل ويا تاجرلي

شوف زيدون بالشغل الحقيقي

هاي شاشات حقيقية من التطبيق، مو تصاميم.

يرد على زبائنكليل ونهار

زيدون يرد على زبونة بإنستغرام ويدزلها ريل المنتج
يرد على زبائنك ليل ونهاريجاوب بالسعر والقياسات ويدز ريل المنتج إذا الصورة مو واضحة.

خلص الموديل؟يبيعلها غيره

زيدون يقترح موديلات مشابهة متوفرة لما المنتج يخلص
خلص الموديل؟ يبيعلها غيرهما يقول "خلصان" ويسكت. يعرض موديلات مشابهة متوفرة بأسعارها وقياساتها.

ما يخمّن،يسألك انت

زيدون يسأل التاجر عن المنتج اللي دزته الزبونة
ما يخمّن، يسألك انتإذا ما عرف المنتج، يطلعلك أقرب المنتجات وتختار بلمسة.

يبلغك بسوقت يحتاجك

إشعارات زيدون للتاجر
يبلغك بس وقت يحتاجكباقي المحادثات يمشيها هو، وانت تجاوب على المهم بس.
كل شي تحتاجه بتطبيق واحد

من أول رسالة لحد ما الطلب يطلع

تاجرلي مبني للتجارة الاجتماعية: منشورات، ريلز، تعليقات، رسائل وطلبات.

المحادثة تصير طلب

بدل الدفتر والسكرين شوت، كل طلب يتسجل من المحادثة نفسها بكل تفاصيله، ويطلع وصل تگدر تشاركه مع الزبون أو المندوب.

كل الرسائل بمكان واحد

رسائل إنستغرام وماسنجر لكل صفحاتك بشاشة وحدة، وما تضيع ولا رسالة.

منتجاتك مربوطة بمنشوراتك

كل منتج مربوط بالريل أو المنشور مالته، فأي سؤال عن منشور ينعرف جوابه فوراً.

ضيف منتج بصوتك

احچي اسم المنتج وسعره وقياساته، وتاجرلي يرتبه بالكتالوج بدون كتابة.

من التعليق للخاص

الزبون يعلق "بيش؟" على المنشور، فتتحول المحادثة للخاص وتكمل للبيع.

ردود جاهزة

جملك المتكررة، مثل التوصيل والتبديل والدفع، محفوظة وتنرسل بلمسة.

ملف لكل زبون

محادثاته وطلباته السابقة بمكان واحد، فتعرف منو زبونك الدائم.

شوف إعلاناتك شگد تبيع

اربط حسابك الإعلاني وشوف أي حملة جابت محادثات وطلبات فعلاً، مو بس مشاهدات.

تبدي بنفس اليوم

ثلاث خطوات وزيدون يبدي يبيع

اربط صفحتك

سجّل دخول بفيسبوك واختار صفحتك وحساب إنستغرام مالتك. الصفحة تبقى ملكك، واحنا بس نشتغل عليها بإذنك.

عرّف زيدون على بضاعتك

تاجرلي يسحب منشوراتك ومنتجاتك، وانت تكتب لزيدون طريقتك بالبيع والتوصيل بكلامك العادي.

استلم الطلبات

زيدون يرد ويثبّت الطلبات، وانت تتابع كل شي من التطبيق وتتدخل وقت ما تريد.

فريقنا يساعدك بالإعداد خطوة بخطوة، والإعداد مجاني ضمن عرض الإطلاق.

سعر واضح، بدون مفاجآت

خطة وحدة، وكل المزايا داخلها

زيدون وكل المزايا الجديدة اللي راح تنضاف موجودة بالاشتراك، والرسائل غير محدودة. بدون رسوم إضافية.

عرض الإطلاق، لأول 100 تاجر فقط

اشتراك المؤسسين

25,000د.ع / شهرياً49,000
  • السعر ثابت لسنة كاملة، وتاخذ كل ميزة جديدة تنزل
  • الإعداد والربط علينا، مجاناً
  • رسائل وردود زيدون غير محدودة
  • زيدون يرد على زبائنك 24 ساعة
  • كل مزايا تاجرلي بدون استثناء
  • دعم مباشر على الواتساب
احجز مكانك وابدأ التجربة المجانية

جرّب مجاناً أول، وادفع بس إذا عجبك. جاهز تدفع؟

الاشتراك الشهري

49,000د.ع / شهرياً
  • زيدون وكل مزايا تاجرلي
  • رسائل غير محدودة
  • تطبيق الموبايل
  • دعم على الواتساب
  • تلغي وقت ما تريد
ابدأ التجربة المجانية

السعر بعد انتهاء عرض الإطلاق.

جاهز تشترك؟ ادفع أونلاين

اكتب إيميل حسابك بتاجرلي، ونحوّلك لصفحة الدفع الآمنة من ويل. السعر يطلع حسب العرض المتاح إلك، والاشتراك يتفعل بحسابك أول ما يكمل الدفع.

الدفع عن طريق ويل Wayl، بالبطاقة أو المحافظ الإلكترونية
∞

رسائل غير محدودة، بدون عدّاد

غيرنا يحسب عليك كل رد، ولما يخلص الرصيد المساعد يوكف وزبائنك تنتظر. بتاجرلي زيدون يرد على كل رسالة مهما كثرت، حتى بأيام العروض والزحمة، بنفس السعر.

أسئلة التجار

عندك سؤال؟

زيدون يحچي مثل البوت؟+

لا. زيدون يحچي بلهجة عراقية طبيعية وجمل قصيرة، ويسأل السؤال المناسب حسب مرحلة المحادثة، مو نفس الجملة كل مرة.

إذا زيدون ما عرف الجواب شيصير؟+

ما يخترع جواب. يسألك انت بالتطبيق، وأول ما تجاوب يكمل مع الزبون ويحفظ جوابك للمرة الجاية. وتگدر ترد انت بنفسك بأي وقت.

اكو حد لعدد الرسائل أو الردود؟+

لا. الرسائل وردود زيدون غير محدودة بكل الاشتراكات، فما راح يوكف زيدون بنص الشهر ولا تدفع زيادة بموسم العروض.

صفحتي تبقى ملكي؟+

أكيد. تاجرلي مزوّد تقني معتمد من Meta (Meta Tech Provider)، أداة تقنية مو وكالة. ما ناخذ ملكية صفحتك أو حساب إنستغرام مالتك، وتگدر تفصل الربط وتحذف بياناتك بأي وقت.

يشتغل ويا كل أنواع البضاعة؟+

إي. ملابس، أحذية، إكسسوارات، عطور، مستلزمات بيت، أو أي شي تبيعه من صفحتك. زيدون يتعلم منتجاتك من منشوراتك ومن معلوماتك.

أحتاج خبرة تقنية حتى أبدي؟+

لا. فريقنا يسويلك الإعداد كامل، وكل شي بعدها تديره من تطبيق الموبايل.

شلون أدفع؟ وأگدر ألغي؟+

الاشتراك شهري بالدينار العراقي، وتگدر تلغي بأي وقت بدون عقود. تواصل ويانا على الواتساب ونرتبلك طريقة الدفع اللي تناسبك.

عرض الإطلاق شنو بالضبط؟+

أول 100 تاجر يشتركون ياخذون تاجرلي بـ 25,000 د.ع بالشهر بدل 49,000، مع الإعداد مجاناً، والسعر ثابت لسنة كاملة ويشمل كل ميزة جديدة تنزل.

تاجرليتاجرلي

احچي أقل، وبيع أكثر.

خلّي زيدون يشيل عنك الرسائل، وانت ركّز على تجارتك. مقاعد عرض الإطلاق محدودة.

بياناتك بأمان

نستخدم بيانات فيسبوك وإنستغرام بس حتى نعرض محادثاتك، ونربط المنشورات بالمنتجات، وننظم الطلبات والإشعارات، والتقارير الإعلانية والردود الذكية إذا فعّلتها انت. ما نبيع بياناتك ولا نستخدمها لإعلانات طرف ثالث.

Tajerly is a technology provider, not an agency. Platform Data is used only to provide the features the merchant enables, and is never sold or used for third-party advertising. Policy pages are publicly accessible without sign-in.

الخصوصية والتحكم

الشركة

Tajerly Inc.
2608 Meadows Blvd, Unit C
Castle Rock, CO 80109, USA
support@tagerly.app
+1 720 681 8468

ابدأ تجربتك المجانية